Jeiii covid er alveg að verða búið og við getum farið að bjóða vinum og ættingjum til veislu. Dásamlegt alveg 😊
Fyrir um það bil tveimur árum síðan skellti frú Excel í eitt skipulagsskjal fyrir góða vinkonu sína. Tilefnið var ærið skemmtilegt þar sem hún var að fara að bindast sínum heittelskaða. Skjalið var til þess gert að halda utan um og skipuleggja gestalistann. Lesa meira
Forsvarsmenn Consensa höfðu samband við frú Excel og báðu hana um að aðstoða sig aðeins. Málið er að þeir þurfa að skrá niður og gera grein fyrir hverri unninni klukkustund sem þeir vinna fyrir viðskiptavini sína. Þá vantaði Excel skjal til að halda utan um þessa tíma og í leiðinni reikna út heildarverð til viðskipatvina sinna. Frú Excel tók auðvitað að sér verkefnið en í leiðinni bjó hún til einfaldari útgáfu til að setja hér inn. Ef þú vilt getur þú hlaðið niður skjalinu og notað að vild 😊
Eitt af því skemmtilegasta sem Frú Excel gerir, svona fyrir utan að leika sér í Excel, er að setja sér markmið og ná þeim. Það er bara svo gott fyrir sálina að klára hin ýmsu mál. Léttir þegar eitthvað er klárað sem hefur hangið yfir manni og gleði þegar stærri markmiðum er náð, og því stærri markmið því sætari er tilfinningin þegar hakað er í boxið.
