SUMIF

Sumif er hagnýt formúla sem frú Excel notar reglulega í vinnu sinni. Ef þú þarft að leggja saman tölur eftir ákveðnu skilyrði er hún frábær. Við ætlum að nota hana hér til að finna út fjölda stöðugilda í ónefndu fyrirtæki í bænum.

Hér fyrir neðan sérðu lista með nöfnum starfsfólks, deild sem það vinnur í og starfshlutfall. Í B dálki ætlum við að leita að „Einstaklingssvið“ sem er skilyrðið okkar og einungis að leggja saman starfshlufall í C dálki sem fellur að þessu skilyrði.

Þegar þú skrifar formúluna beint í reitinn þar sem þú vilt fá niðurstöðuna þá birtist alltaf hjálparmynd beint fyrir neðan sem gott er að fara eftir.

Hér hefurðu svo niðurstöðurnar, er þetta ekki dásamlegt? 🙂

Það er hægt að gera fleiri sniðuga hluti með Sumif.

Það er hægt að leggja saman tölur undir eða yfir ákveðinni upphæð.
Það er hægt að leggja saman allar tölur nema ákveðna upphæð, t.d. 13.500 kr. eins og í dæminu hér að neðan.
Eða það er hægt að leggja saman einungis ákveðna upphæð.

Í þessu tilfelli notum við bara range og criteria, sleppum sum_range. Og við setjum skilyrðið alltaf í gæsalappir, ef við gleymum því þá virkar formúlan ekki.